Muslim Library

Surah التكویر

كوردی

Surah التكویر - Aya count 29
Facebook Twitter Google+ Pinterest Reddit StumbleUpon Linkedin Tumblr Google Bookmarks Email
إِذَا الشَّمْسُ كُوِّرَتْ ( 1 ) التكویر - Aya 1
کاتێك خۆر ده‌پێچرێته‌وه و ڕووناکی نامێنێت.
وَإِذَا النُّجُومُ انكَدَرَتْ ( 2 ) التكویر - Aya 2
کاتێکیش ئه‌ستێره‌کان (له خو‌لگه‌ی خۆیان) ده‌ترازێن و ده‌ده‌ن به‌یه‌کدا.
وَإِذَا الْجِبَالُ سُيِّرَتْ ( 3 ) التكویر - Aya 3
کاتێك کێوه‌کان له شوێنی خۆیان هه‌ڵده‌که‌نرێن و به‌ملاولادا ده‌برێن.
وَإِذَا الْعِشَارُ عُطِّلَتْ ( 4 ) التكویر - Aya 4
کا‌تێك حوشترانی ئاوس که ته‌مه‌نی باردارییان ده مانگه گوێیان پێنادرێت (بێگومان ئه‌و وشترانه لای عه‌ره‌ب زۆر نازدارن).
وَإِذَا الْوُحُوشُ حُشِرَتْ ( 5 ) التكویر - Aya 5
کاتێك گیانله‌به‌رانی کێوی و وه‌حشی و دڕنده به ده‌وری یه‌کدا کۆده‌کرێنه‌وه (ئه‌وانیش دڕندایه‌تی خۆیانیان له بیر ده‌چێته‌وه له سامناکی ئه‌و ڕۆژه‌).
وَإِذَا الْبِحَارُ سُجِّرَتْ ( 6 ) التكویر - Aya 6
کاتێك ده‌ریاکان گڕ ده‌درێن (دیاره که ته‌قینه‌وه‌ی ئه‌تۆمی ڕووده‌دات و ئاوی ده‌ریاکان ده‌بنه‌وه به هایدرۆجین و ئۆکسجین).
وَإِذَا النُّفُوسُ زُوِّجَتْ ( 7 ) التكویر - Aya 7
کاتێك گیانی هه‌ر که‌س ده‌گه‌رێته‌وه بۆ لاشه‌ی و جووت ده‌بێته‌وه له‌گه‌ڵیدا.
وَإِذَا الْمَوْءُودَةُ سُئِلَتْ ( 8 ) التكویر - Aya 8
کاتێك کچی زینده به‌چاڵکراو پرسیاری لێده‌کرێت.
بِأَيِّ ذَنبٍ قُتِلَتْ ( 9 ) التكویر - Aya 9
به چ گوناهێك، به چ تۆمه‌تێك کوژرا؟!
وَإِذَا الصُّحُفُ نُشِرَتْ ( 10 ) التكویر - Aya 10
کاتێك نامه‌ی کرده‌وه‌کان واڵا ده‌کرێت.
وَإِذَا السَّمَاءُ كُشِطَتْ ( 11 ) التكویر - Aya 11
کاتێك ئاسمان لاده‌برێن و داده‌ماڵرێن.
وَإِذَا الْجَحِيمُ سُعِّرَتْ ( 12 ) التكویر - Aya 12
کاتێك دۆزه‌خ داده‌گیرسێت و تاوده‌درێت.
وَإِذَا الْجَنَّةُ أُزْلِفَتْ ( 13 ) التكویر - Aya 13
کاتێك به‌‌هه‌شت نزیك ده‌خرێته‌وه (له خواناسان).
عَلِمَتْ نَفْسٌ مَّا أَحْضَرَتْ ( 14 ) التكویر - Aya 14
ئیتر ئه‌و کاته هه‌رکه‌س ده‌زانێت چی ئاماده کردووه و چ توێشوویه‌کی پێیه‌.
فَلَا أُقْسِمُ بِالْخُنَّسِ ( 15 ) التكویر - Aya 15
سوێند به‌و ئه‌ستێرانه‌ی که په‌نهان ده‌بن و ون ده‌بن له‌چاو، یاخود به‌هۆی سوڕانه‌وه‌ی زه‌وی و خۆیانه‌وه (به‌هۆی هه‌ڵهاتنی خۆره‌وه‌) ون ده‌بن.
الْجَوَارِ الْكُنَّسِ ( 16 ) التكویر - Aya 16
به‌و هه‌سارانه‌ی که په‌نا ده‌گرن و دیار نامێنن.
وَاللَّيْلِ إِذَا عَسْعَسَ ( 17 ) التكویر - Aya 17
به‌و شه‌وه‌ی که دادێت و تاریکایه‌که‌ی ڕوومان تێده‌کات.
وَالصُّبْحِ إِذَا تَنَفَّسَ ( 18 ) التكویر - Aya 18
به به‌ره‌به‌یان که پشووی تێدێت، وه‌کو زینده‌وه‌رێك ئاهی تێدێته‌وه و ده‌ست ده‌کات به هه‌ناسه‌دان و ژیان و ڕووناکیه‌که‌ی ده‌رده‌که‌وێت.
إِنَّهُ لَقَوْلُ رَسُولٍ كَرِيمٍ ( 19 ) التكویر - Aya 19
(سوێند به‌وانه هه‌مووی) به‌ڕاستی، بێ دوودڵی ئه‌م قورئانه له‌زاری نێردراوێکی به‌ڕێزه‌وه‌یه (که جوبره‌ئیله‌).
ذِي قُوَّةٍ عِندَ ذِي الْعَرْشِ مَكِينٍ ( 20 ) التكویر - Aya 20
خاوه‌نی هێزو ده‌سه‌ڵاته و لای خاوه‌نی عه‌رش، فریشته‌یه‌کی پایه‌داره‌.
مُّطَاعٍ ثَمَّ أَمِينٍ ( 21 ) التكویر - Aya 21
فه‌رمانڕه‌وایه له‌وێ، هه‌روه‌ها ئه‌مین و دڵسۆزه له کاره‌کانیدا.
وَمَا صَاحِبُكُم بِمَجْنُونٍ ( 22 ) التكویر - Aya 22
دڵنیابن که هاورێکه‌تان { محمد (صلی الله علیه وسلم) } شێت نیه و (له‌که‌ماڵی ژیریدایه‌).
وَلَقَدْ رَآهُ بِالْأُفُقِ الْمُبِينِ ( 23 ) التكویر - Aya 23
بێگومان محمد (صلی الله علیه وسلم) جوبره‌ئیلی بینی به ئاشکرا له ئاسۆی نومایاندا.
وَمَا هُوَ عَلَى الْغَيْبِ بِضَنِينٍ ( 24 ) التكویر - Aya 24
هه‌رچی پێ ده‌گات، له جیهانی نهێنی و شاراوه‌کانه‌وه‌، لێتان ناشارێته‌وه و ڕاستیتان پێ ڕاده‌گه‌یه‌نێت چونکه هه‌رگیز له گه‌یاندنی په‌یامه‌که‌یدا ڕژدو ڕه‌زیل نیه‌.
وَمَا هُوَ بِقَوْلِ شَيْطَانٍ رَّجِيمٍ ( 25 ) التكویر - Aya 25
ئه‌م قورئانه گوفتاری شه‌یتانی نه‌فرین لێکراو نیه‌.
فَأَيْنَ تَذْهَبُونَ ( 26 ) التكویر - Aya 26
ئیتر بۆ کوێ ده‌چن؟ ڕوو ده‌که‌نه کوێ؟ ڕوو ده‌که‌نه کێ؟
إِنْ هُوَ إِلَّا ذِكْرٌ لِّلْعَالَمِينَ ( 27 ) التكویر - Aya 27
ئه‌م قورئانه ته‌نها یادخه‌ره‌وه‌یه بۆ سه‌رجه‌م دانیشتووانی زه‌وی (بۆ په‌ری و ئاده‌میزاد له هه‌موو سه‌رده‌مه‌کاندا).
لِمَن شَاءَ مِنكُمْ أَن يَسْتَقِيمَ ( 28 ) التكویر - Aya 28
بۆ ئه‌وانه‌تان که ده‌یانه‌وێت ڕێبازی ڕاست و دروست بگرنه‌به‌ر.
وَمَا تَشَاءُونَ إِلَّا أَن يَشَاءَ اللَّهُ رَبُّ الْعَالَمِينَ ( 29 ) التكویر - Aya 29
ویستی ئێوه‌ش نایه‌ته دێته دی مه‌گه‌ر کاتێك خوای په‌روه‌ردگاری جیهانیان بیه‌وێت، (هه‌رکه‌س ویستی خێری هه‌بێت خوای گه‌وره سه‌ربه‌رستی لێ زه‌وت ناکات، له‌گه‌ڵ ئه‌وه‌شدا هه‌ر ئه‌وه پێش دێت که ویستی خوای له‌سه‌ره و توانای تێگه‌یشتنمان له نهێنی و شاراوه‌کا‌ن زۆر سنوورداره‌).
Facebook Twitter Google+ Pinterest Reddit StumbleUpon Linkedin Tumblr Google Bookmarks Email

Select language

Select surah